कांग्रेस नुवाकोटमा पहिलो चरणको समापन कार्यक्रममा पार्टीका केन्द्रीय प्रतिनिधि गुरु बरालसहितका नेता कार्यकर्ताहरु तस्बिर ः नुवाकोट पुकार डटकम
काठमाडौं । प्रमुख सत्तारुढ दल नेपाली कांग्रेस केन्द्रीय समितिले तय गरेको पहिलो चरणको कार्यक्रम आज समापन गरिएको छ । कांग्रेस केन्द्रीय समितिको निर्णय अनुसार मुलुकभरका ७५३ स्थानीय तहमा नेता कार्यकर्ताको व्यापक उपस्थितिमा संगठन सुदृढिकरण अभियान सम्पन्न भएको नेपाली कांग्रेस केन्द्रीय कार्यालयले जनाएको छ । केन्द्रीय, प्रदेश र जिल्ला प्रतिनिधिको उपस्थितिमा पहिलो चरणमा संगठन सुदृढिकरण अभियान सञ्चालन भएको थियो ।
पार्टीका महामन्त्री गगन थापाले केन्द्रीय समितिमा पेश गर्नुभएको एक वर्षे कार्यकतालिका अनुसार पहिलो चरणमा संगठन सुदृढिकरण अभियान सुरु गरिएको थियो । यस्तै सो अभियान अन्र्तरत नुवाकोट, रसुवा, धादिड.सहित बागमती प्रदेशका १९ जिल्लामा नै कार्यक्रम सम्पन्न भएको नेपाली कांग्रेस बागमती प्रदेशका सभापति इन्द्र बानियाँले नुवाकोट पुकारलाई जानकारी दिनुभयो ।
नेपाली कांग्रेस नुवाकोटमा पार्टीको पहिलो चरणको समापन कार्यक्रममा नेपाली कांग्रेसका जिल्ला तहका नेता कार्यकर्ताहरु ः तस्बिर ः नुवाकोट पुकार
यस्तै कांग्रेसले दोस्रो चरणमा अर्थात भदौ १० गतेदेखि २४ गतेसम्म समुदायमा कांग्रेस राष्ट्यि अभियान सञ्चालन गर्दै उक्त अभियानमा भने घर घर पुगेर नेपाली कांग्रेसले गरेका कामहरु र आगामी योजनाकाका बारेमा पार्टीका प्रतिनिधिहरुले जानकारी गराउने छन् । यस्तै मंसिर १३ देखि १५ गतेसम भने पार्टीको महासमिति बैठकको आयोजना गरिएको छ । एक वर्षपछि साउन १० गते सम्पन्न भएको बैठकले विभिन्न सात बुँदे निर्णय गरेको थियो । सोही निर्णयका आधारमा पार्टीलाई जनतासम्म पुर्याउनका लागि भन्दै कांग्रेसले विभिन्न निर्णय गरेको थियो ।
यसैबीच नेपाली कांग्रेस नुवाकोटले केन्द्रीय प्रतिनिधि केन्द्रीय सदस्य नेता गुरु वरालको उपस्थितिमा नुवाकोट जिल्लाको १२ वटै पालिकामा केन्द्रीय तथा प्रदेश प्रतिनिधिको उपस्थितिमा कार्यक्रम आयोजना गरेको जनाएको छ । कांग्रेसले आज केन्द्रीय प्रतिनिधिको उपस्थितिमा नेता कार्यकर्तासहितको सहभागितामा कार्यक्रम समापन गरेको जनाएको छ । पार्टी सभापति रमेश महतले सबै पालिकामा उत्साहजनक रुपमा नेता कार्यकर्ताका उपस्थितिमा संगठन सुदृढिकरण अभियान सम्पन्न भएको बताउनुभयो । उहाले कार्यक्रममा नेता कार्यकर्ताका मनोबल बढेको र आम जनतामा पनि कांग्रेसको यो कार्यक्रमले उत्साह थपेको कांग्रेसको ठहर रहेको
