चौघडा । नुवाकोट जिल्लाको नमुना विद्यालयको रुपमा रहेको क्षेत्रपाल माध्यमिक विद्यालयका विद्यार्थीहरुले खाद्य परिकार मेला आयोजना गरेका छन् ।
लिखु गाउँपालिका वडा नं ४ स्थित चौघडामा रहेको उक्त विद्यालयमा कक्षा १० मा अध्ययनरत विद्यार्थीहरुले आज शुत्रबार अतिरिक्त क्रियाकलाप अन्तरगत खाद्य परिकार उत्सव (Food Festival) मनाएका हुन । विषयगत सिकाइका अतिरिक्त व्यावहारिक जीवनोपयोगी सिपमा समेत विद्यार्थीहरूलाई सहभागी गराउने तथा स्थानीय खाद्य परिकारलाई लोप हुनबाट बचाउने उद्देश्यका साथ कार्यक्रम आयोजना गरिएको विद्यालयका प्रधानाध्यापक हरिप्रसाद सुवेदीले नुवाकोट पुकारलाई जानकारी दिनुभयो ।
विद्यालय प्राङ्गणमा आयोजित स्थानीय खाद्य परिकार मेलाको प्रमुख अतिथिका रुपमा लिखु गाउँपालिका शिक्षा, युवा तथा खेलकुद शाखाका प्रमुख शेरसिंह रावत रहनु भएको थियो भने विद्यालयका तर्फबाट अङ्ग्रेजी विषय शिक्षक कमला चुदाराको संयोजन गर्नुभएको थियो ।
महोत्सवमा शिक्षक अभिभावक संघका अध्यक्ष रामशरण राई ,विद्यालय व्यवस्थापन समितिका अध्यक्ष शैलेन्द्र कुमार राई, विद्यालयमा अध्ययनरत विद्यार्थी ,शिक्षकसहितसहित विद्यालयका कर्मचारी गाउँपालिकाका कर्मचारीहरू र स्थानीयहरूले समेत अलोकन तथा परिकारको स्वाद लिएका थिए । उक्त विद्यालयमा यसअघि पनि कक्षा १० तथा कक्षा ७ देखि नौ सम्मका विद्यार्थीहरुले खाद्य परिकारको महोत्सव आयोजना गरेका थिए ।
विद्यालयका प्रधानाध्यापक सुवेदीले कक्षा १० का विद्यार्थी भाइबहिनीहरूलाई उत्कृष्ट परिवार बनाएको भन्दै बधाई दिँदै उच्च शैक्षिक सफलताको शुभकामना समेत व्यक्त गर्नुभएको छ
