७ भदौ, काठमाडौं । सहकारी संस्थाको बचत रकम दुरुपयोग सम्बन्धी संसदीय छानबिन विशेष समितिले आज राष्ट्रिय स्वतन्त्र पार्टी ,रास्वपा,का सभापति एवम् पूर्वगृहमन्त्री रवि लामिछानेलाई सोधपुछका लागि बोलाएको छ ।गोरखा मिडिया नेटवर्क प्रालिको पूर्वप्रबन्ध निर्देशक समेत रहेका लामिछानेलाई आज दिउँसो २ बजे सोधपुछका लागि बोलाएको समिति सभापति सूर्य थापाले जानकारी दिए ।
यसअघि बिहान ११ बजे गोरखा मिडिया नेटवर्कका सञ्चालक छविलाल जोशीलाई पनि सोधपुछका लागि बोलाइएको सभापति थापाले बताए ।सहकारी संस्थाको रकम अपचलनको विषयमा छानबिन गर्न संसदले गत जेठ १५ गते एमाले सांसद थापाको नेतृत्वमा संसदीय छानबिन समिति गठन गरेको थियो ।
विभिन्न सहकारीबाट गोर्खा मिडियाको नाममा ऋण लिएर अपचलन गरेको आरोप लामिछानेमाथि लागेको छ ।खोर्गा मिडियाका तत्कालिन प्रवन्ध निर्देशक लामिछानेको खातामा विभिन्न समयमा सहकारीमार्फत रकम आएको पनि छानविन समितिले उल्लेख गरेको छ । लामिछानेका व्यवसायिक साझेदार जीवी राई भने फरार रहेका छन् प्रहरलिे इन्टरपोलमार्फत पनि उनको खोजी गरिरहेकोछ ।
