विदुर । जिल्ला प्रहरी कार्यालय नुवाकोटले प्रतिबन्धित लागु औषध गाँजासहित २ जनालाई पक्राउ गरेको छ ।
जिल्ला प्रहरी कार्यालय नुवाकोटले दिएको जानकारी अनुसारभदौं २७ गते अपराह्न्नको समयमा समुन्द्रटार नुवाकोट र अस्थाई प्रहरी पोष्ट सातबिसे नुवाकोटबाट संयुक्त रुपमा खटिएको प्रहरी अधिकृत सहितको टोलीले सातबिसे बजारमा चेकजाँच गर्ने क्रममा दुप्चेश्वरबाट काठमाण्डौ तर्फ जादै गरेको बा ४ ख ६३९० नम्बरको यात्रु वाहक बसमा यात्रारत दुई युवाबाट उक्त गाजा बरामद गरेको हो ।
गाजासहित प्रहरीले टोखा नगरपालिका वडा नं.०३ बाँनियाटार हाईट बस्ने २९ वर्षीय पवन नेपाली र बर्ष ३५ रवि तामाङलाई पक्राउ गरेको छ । पक्राउ परेका युवाहरुको साथबाट २ (दुई) वटा झोला भित्र लुकाई छिपाई ल्याएको अवस्थामा ३ (तीन ) के.जी.लागु औषध (गाँजा) फेला परेकोले तत्काल बरामद गरिएको बताइएको छ । पक्राउ परेका युवाहरुमाथि अनुसन्धान भैरहेको पनि प्रहरी जनाएको छ ।
