काठमाडौं । माध्यमिक शिक्षा परीक्षा (एसईई) को ग्रेड वृद्धि (पूरक) परीक्षाको परीक्षाफल प्रकाशित गरिएको छ । परीक्षमा १ लाख १९ हजार चार सय २५ जना ग्रेडिड. भएको राष्ट्रिय परीक्षा बोर्ड, परीक्षा नियन्त्रण कार्यालय सानोठिमीले जनाएको छ ।
यो ५६ दशमलव ७८ प्रतिशत हो। २ लाख १० हजार तीन २१ जनाले परीक्षा दिएका थिए। एसईई परीक्षा २०८० मा ननग्रेड आएका विद्यार्थीहरुलाई पुरक परीक्षाका रुपमा पुन मौका प्रदान गरिएको थियो । परीक्षा २०८१ साउन २३ देखि ३१ सम्म सञ्चालन भएको थियो। परीक्षा नियन्त्रक कार्यालयका अनुसार ननग्रेड र अनुपस्थित विद्यार्थी ९० हजार ८ सय ८८ जना छन्।
कार्यालयले ८ जनाको उत्तरपुस्तिका रद्द गरेको छ। ३ दशमलव ६१ देखि ४ जीपीए ल्याउने १८ जना छन्। जीपीए १ दशमलव ६ देखि २ दशमलव ० ल्याउने ६४ जना, जीपीए २ दशमलव ०१ देखि २ दशमलव ४ ल्याउने १९ हजार ४ सय ९६ जना, जीपीए २ दशमलव ४१ देखि २ दशमलव ८० ल्याउने ७४ हजार ४ सय ६ जन छन्। जीपीए २ दशमलव ८१ देखि ३ दशमलव ० ल्याउने २३ हजार ६ सय २३ जना छन्।
त्यस्तै जीपीए ३ दशमलव १ देखि ३ दशमलव ६ ल्याउने १ हजार ५ सय १८ जना छन्। लेटर ग्रेडिङ निर्देशिका २०७८ को व्यवस्थाअनुसार परीक्षार्थीले परीक्षा दिएको विषयको बाह् सैद्धान्तिक परीक्षामा ३५ प्रतिशत र आन्तरिक मूल्यांकनमा ४० प्रतिशत अंक प्राप्त गर्नुपर्ने छ। जसमा सैद्धान्तिक ७५ पूर्णांकका विषयमा कम्तीमा २७ र आन्तरिक २५ पूर्णांकमा कम्तीमा १० अंक प्राप्त गर्नुपर्ने व्यवस्था छ।
यो परीक्षाको नतिजामा कुनै विषयमा एनग्रेड (एनजी) भएमा लगातार तीन वर्षसम्म एनजी आएका विषयमा मात्र ग्रेड वृद्धिका लागि आगामी वार्षिक परीक्षामा सम्मिलित हुन पाउने व्यवस्था छ। २०८० मा सञ्चालित एसईईको नियमित परीक्षामा पनि ४७ दशमलव ८६ प्रतिशतमात्रै विद्यार्थी उत्तीर्ण भएका छन्।
एसईईको २०८० सालको परीक्षामा ४ लाख ६४ हजार ७८५ जना विद्यार्थी सहभागी भएका थिए। तत्कालिन शिक्षा मन्त्री शुमना श्रेष्ठले सबै विषयमा फेल भएका विद्यार्थीहरुलाई एक पटक मौका परीक्षा दिने अवसर सिर्जना गराउनु भएको थियो । सोही अनुसार ननग्रेडका सबै विद्यार्थी परीक्षामा सहभागि हुने अवसर पाएका थिए ।
