काठमाडौं । नेपाली कांग्रेसका सभापति शेरबहादुर देउवाले पार्टीको शिक्षा विभागको सदस्यहरु मनोनयन गर्नुभएको छ । सभापति देउवाले नेपाली कांग्रेसको विधान, २०१७ (संशोधन सहित) को धारा २५ (९) बमोजिम पार्टीका केन्द्रीय सदस्य नैनसिंह महर प्रमुख रहनु भएको नेपाली कांग्रेस शिक्षा विभागको सदस्यमा देशभरबाट विभिन्न दश जना व्यक्तित्वहरुलाई सदस्यमा मनोनयन गर्नुभएको छ ।
शिक्षा विभागमा मनोनयन हुनुभएका सदस्यहरुमा अधिकांश शिक्षा क्षेत्रसँग सम्बन्धित रहनु भएको छ । सभापति देउवाले प्रा.डा. कमलदीप ढकाल, सिन्धुली, राजकुमार आचार्य, खोटाङ, पुजा पासवान, महोत्तरी, हरिसिंह के.सी. धादिङ
त्रि बिक्रम पाण्डे, काठमाडौं,राजन श्रेष्ठ, काठमाडौं, किरण भट्ट, गोरखा, लालमणि भण्डारी, दाङ,खेमराज के.सी. दैलेख
तारामान रावल, कैलालीलार्ई मनोनयन गर्नुभएको हो ।
सभापति देउवाले एकै पटक पार्टीको ३९ विभागका प्रमुख मनोनयन गरेसँगै सदस्यहरु पनि मनोनयन गर्दै आउनु भएको छ ।
