नुवाकोट , असोज १४ । छहरे – टोखा सडक खण्डको अदुवाबारी मोडमा माइक्रोबस दुर्घटनामा परेको छ
काठमाडौंबाट नुवाकोट हुदैँ पोखरा जान लागेको माइक्रोबस दुर्घटनामा परेको हो । दुर्घटनामा २ जना गम्भीर घाइते रहेको र चालक.सहचालकसहित अन्य यात्रु सुरक्षित रहेको प्रहरीले जानकारी दिएको छ ।घाइतेहरुको उद्धार गरि उपचारका लागि काठमाडौं पठाइएको जिल्ला प्रहरी कार्यालय नुवाकोटले जनाएको छ ।
नागढुंगाको बाटोको अवस्था असहज भएका कारण पछिल्लो समय छहरे टोखाहुँदै गल्छी निस्केर यातायात सञ्चालन हुन थालेको छ । बाटो सानो तर यातायात धेरै पछि उक्त सडक पनि जोखिममा परेको छ ।
यसैबीच बागमती प्रदेशका मुख्यमन्त्री बहादुरसिंह लामाले घाइते उद्धार तथा उपचारका लागि जिल्ला प्रशासन कार्यालयलाई निर्देशन दिनु भएको छ।
यस्तै नेपाली कांग्रेसका नेता अर्जुननरसिंह केसीले पनि दुर्घटनाप्रति दुःख व्यक्त गर्दै घाइतेहरुको शीघ्र स्वास्थ्य लाभको कामना गर्दै उपचारमा ध्यान दिन आग्रह गर्नुभएको छ ।
