काठमाडौं, असोज १४ । नख्खुखोलाले बगाएका दुई जनाको पौडेर उद्धार गर्ने काभ्रे तिमालका चणिकलाल तामाङले देखाएको साहसको प्रशंसा गर्दै कावा प्रधानमन्त्री प्रकाशमान सिंहले सम्मान गरेका गर्नुभएको छ ।
सोमबार शहरी विकास मन्त्रालयमा सिंहले तामाङलाई सम्मान गर्नुभएको हो।तामाङले शनिबार ललितपुर महानगरपालिका २५ सुगम टोलस्थित नख्खु खोलाले बगाएका रौतहटका ४३ वर्षीय राजु साह र उनकी छोरी ६ वर्षीया मेघनालाई उद्धार गरेका थिए ।
कार्यवाहक प्रधानमन्त्री सिंहले मानवीय भावना देखाएर नदिमा बगिरहेकाहरुको उद्धार गरेको भन्दै तामाङको साहसी कामको प्रशंसा गर्नुभयो ।
‘तपाईंले आफैलाई जोखिममा राखेर उद्धारमा खटिनुभयो । मानवीयता देखाउनुभयो । तपाईंको साहसको उच्च प्रशंसा गर्दछु,’ उनले भने, ‘ सरकारले अहिले राहत र उद्धारमा काम गरिरहेको छ । घाइतेहरुको उपचारको जिम्मा लिने भनेर घोषणा गरिसकेको छ । घाइतेको उपचारमा सरकारले प्राथमिकताका साथ काम गरिररहेको छ । ’
तामाङले घाइतेहरुको उपचारमा विशेष ध्यान दिन आग्रह गरेको कावा प्रधानमन्त्री सिंहका स्वकीय सचिव युपी लामिछानेले जानकारी दिनुभयो । तामाड.को यो साहसिलो कार्यप्रति विभिन्न संघ संस्थाले नगदसहित सम्मान गरिसकेका छन् ।
