काठमाडौं । नेपाली कांग्रेसले आगामी २०८१ चैत्र मसान्तसम्म पार्टीका तीन प्रमुख भातृ संस्थाहरुको महाधिवेशन गर्ने तयारी गरेको छ । पार्टी सभापति शेरबहादुर देउवाले नेपाली कांग्रेसको विधान, २०१७ (संशोधन सहित) को धारा २५ (९०) बमोेजिम भ्रातृ संस्थाहरूको “महाधिवेशन केन्द्रीय निर्देशन समिति” गठन गर्दै यस्तो निर्देशन गर्नुभएको हो ।
सभापति देउवाले नेपाली कांग्रेस केन्द्रीय कार्यसमितिको २०८१ श्रावण २३ को निर्णय बमोजिम नेपाली कांग्रेसको भ्रातृ संस्था— नेपाल महिला संघ, नेपाल तरूण दल र नेपाल विद्यार्थी संघको महाधिवेशन २०८१ चैत्र मसान्सम्ममा अनिवार्य रुपमा सम्पन्न गर्न गराउनका लागि विद्यमान तदर्थ समितिलाई समन्वय र सहयोग पु¥याई आवश्यक निर्देशन समेत दिनुभएको छ । सभापति देउवाले नेपाल महिला संघ महाधिवेशन केन्द्रीय निर्देशन समितिको संयोजका सहमहामन्त्री उमाकान्त चौधरी,सदस्यहरुमा केन्द्रीय सदस्य पुष्पा भुसाल र रुक्मिणी कोइराला जिम्मेवारी दिनुभएको छ ।
यस्तै नेपाल तरुण दल महाधिवेशन केन्द्रीय निर्देशन समितिको संयोजकमासहमहामन्त्री महालक्ष्मी उपाध्याय ‘डिना’ र सदस्यहरुमा केन्द्रीय सदस्य सरिता प्रसाई र जीतजंग बस्नेतलाई जिम्मेवारी दिनुभएको छ भने नेपाल विद्यार्थी संघ महाधिवेशन केन्द्रीय निर्देशन समिति संयोजकमा सहमहामन्त्री किशोर सिंह राठौर सदस्यहरुमा केन्द्रीय सदस्य राजिव ढुंगाना र केन्द्रीय सदस्य प्रतिमा गौतमलाई जिम्मेवारी दिनुभएको कावा मुख्यसचिव डा. प्रदिप पराजुलीले जारी गर्नुभएको विज्ञप्तिमा उल्लेख गरिएको छ ।
विगत लामो समयदेखि कांग्रेसले भातृ संस्थाहरुको महाधिवेशन गर्न सकेको छैन । सभापतिले मनोनित गर्नुभएको तदर्श समितिमार्फत भातृ संस्थाहरु सञ्चालन हुँदै आएका छन् । जसका कारण उनीहरुको आफ्नो भूमिका बलियो बनाउन समेत सकेका छैनन् ।
