नुवाकोट पुकार समाचारदाता(धादिङ)
नुवाकोट जिल्लामा आम उपभोक्ताहरुका लागि शुपथ मूल्य पसल सञ्चालन गर्ने भन्दै स्वीकृत लिएर धादिङमा सञ्चालन गरिएको छ । साल्ट ट्रेडिङले नुवाकोटको लागि भनेर पठाएको सुपथ मूल्य पसल धादिङको गल्छी पुगेको पाइएको छ । साल्ट ट्रेडिङबाट नुवाकोटमा संचालन गर्ने भनि डकुमेन्ट बुझाएर सुपथ मूल्य पसल भने धादिङमा पुर्याइएको हो ।
धादिङको गल्छी बजारमा छाडा.देवी इन्टरप्राइजेजले सञ्चालन गरेको सुपथ मुल्य पसललाई नुवाकोटस्थित साल्ट्टेडि.डले अनुमति दिइएको बुझिएको छ । धादिङबाट कुनै अनुमति नलिईकन पसल सञ्चालन गरेपनि गल्छी गाउँपालिकाका अध्यक्ष उपाध्यक्ष आएर त्यसको शुभाररम्भ गरेका थिए । साल्ट ट्रेडिङका अनुसार सुपथ मूल्य संचालन गर्न संचालक खाद्य संस्थानमा दर्ता भएको हुनुपर्छ र संचालन गर्न जिल्लाको उद्योग वाणिज्य संघ र सम्बन्धित स्थानीय सरकारको सिफारिसका साथमा निवेदन बुझाएपछि मात्र सुपथ मूल्य संचालन गर्न पाईने व्यवस्था छ ।
यस्तै कुन ठाउँमा सञ्चालन गर्ने र त्यसबाट कति उपभोक्त लाभान्वित हुन्छन् भन्ने कुरा पनि स्पष्ट उल्लेख गरिएपछि मात्रै सुपथ मुल्य पसल सञ्चालन गर्ने दिने व्यवस्था छ । तर गल्छीमा सञ्चालन गरिएको सुपथ मूल्य पसलले भने नुवाकोटका लागि स्वीकृत लिएर सञ्चालन गरेको छ । नुवाकोटका केही नाम चलेका व्यावारीहरुले नुवाकोटको बट्टारमा मात्रै राखेर आफ्नो थप व्यापारका लागि नुवाकोट भन्दा धादिङलाई रोजेको देखिन्छ । गल्छीमा सञ्चालन गरिएको पसल खाद्य संस्थानमा दर्ता पाइदैन भने ,धादिङ उद्योग वाणिज्य संघ र गल्छी गाउँपालिकाको पनि सिफारिस लिएको देखिदैन ।
गाउँपालिकाको उद्योग शाखाले गल्छी गाउँपालिकामा सुपथ मुल्य पसल सञ्चालन गर्नका लागि कसैले पनि अनुमति लिन नआएको जनाएको छ । साल्ट ट्रेडिङले पनि धादिङ गल्छीमा कुनै पनि सुपथ मूल्य पसल संचालनको लागि सिफारिस नआएको जनाएको छ । तर शक्तिको आडमा नुवाकोटका नागरिककका लागि भनेर स्वीकृत लिएर धादिङ लैजानु अवैधानिक हुने भन्दै उपभोक्तावादी संस्थाहरुले पनि यसको विरोध गरेका छन् ।
यसबारे नुवाकोट उद्योग वाणिज्य संघ नुवाकोटका अध्यक्ष राजेन्द्र श्रेष्ठले भने यसबारेमा आफूलाई जानकारी नभएको बताउनुभयो, नुवाकोट पुकारसँग उहाँले भन्नुभयो, हो र मलाई त यस विषयमा जानकारी छैन । संघले धादिड.को लागि सिफारिस दिएको छैन । गल्छी गाउँपालिकामा नुवाकोटका उपभोक्ताका लागि पायक पर्ने बजार होइन । नुवाकोटकै अन्य मुख्य स्थानहरुमा राख्नुपर्ने बजार धादिङमा राख्नुको कारण भने बढी व्यवसाय गर्ने रहेको बुझिन्छ ।
