विदुर । आज बिहान नुवाकोटको टोखा छहरे सडकखण्डमा काठमाण्डौबाट लमजुङ तर्फ जाँदै गरेको हाइलक्स गाडी दुर्घटना भएको छ । बा १४ च ३८५४ नम्बरको पिपुल्स हाईड्रोपावर क. लम्जुड.को हाईलक्स आफै अनियन्त्रित भई सडकबाट ५० मिटर तल खोल्सामा खस्दा दुई जना गम्भीर घाइते भएका छन् भने चार जना सामान्य घाइते भएको जिल्ला प्रहरी कार्यालय नुवाकोटले जनाएको छ । घाइते भएका मध्ये ५८ वर्षीय उपेन्द्र खनालको अवस्था भने निकै गम्भीर रहेको बताइएको छ ।घाइते मध्ये एकजनाको मृत्यु भएको भनिए पनि औपचारिक पुष्टि भएको छैन ।
दुर्घटनाग्रस्त हाइलक्समा सवार व्यक्तिहरुको जिल्ला प्रहरी कार्यालय नुवाकोट, अस्थाई प्रहरी पोष्ट छहरेबाट खटिएको प्रहरी अधिकृत सहितको टोलीले उद्दार गरी उपचारको लागि काठमाण्डौ तर्फ पठाईएको जनाइएको छ ।
प्रहरीका अनुसार चालक काठमाडौं तारकेश्वर न.पा.१ का ४६ वर्षीय विश्वनाथ अधिकारीको गर्दन र घुँडामा चोट अवस्था सामान्य रहेको छ भने वर्ष ५२ को रामशरण अधिकारी अवस्था गम्भिर रहेको छ । यस्तै उक्त गाडीमा सवार ७६ कि हरिकला खनाल, ५१ वर्षीया गायत्री खनालको अवस्था सामान्य छ भने दुर्घटनामा नागर्जुन ३ बस्ने ६३ वर्षीय चन्द्र नाथ शर्माको टाउको र छातीमा भित्री चोट लागेको छ ।
