अर्थतन्त्र सुधारका लागि राय दिन पूर्व सचिव खनालको नेतृत्वमा समिति गठन

काठमाडौँ । मुलुकको अर्थतन्त्रको सुधारका लागि सरकारले सुझाव तथा राय दिन एक उच्चस्तरको समिति गठन गरेको छ । पूर्व अर्थसचिव रामेश्वर खनालको अध्यक्षतामा उच्चस्तरीय सुधार सुझाव आयोग गठन गरिएको हो ।

सोमबार बसेको मन्त्रिपरिषदको बैठकले खनालको नेतृत्वमा विज्ञहरुको पाँच सदस्यीय आयोग गठन गरेको हो । आयोगका सदस्यहरुमा राष्ट्रिय योजना आयोगका सदस्य डा. प्रकाशकुमार श्रेष्ठ, त्रिभुवन विश्वविद्यालय अर्थशास्त्र केन्द्रीय विभागका प्रमुख प्रा डा.रामप्रसाद ज्ञवाली, अर्थविद् डा.विश्वास गौचन र नीति अनुसन्धान प्रतिष्ठानका वरिष्ठ अनुसन्धानकर्ता डा. कल्पना खनाल रहनु भएको छ ।

आयोगले आवश्यकता अनुसार निजी क्षेत्र लगायतअर्थतन्त्रका विविध पक्षहरुसँग परामर्श समेत गर्नेछ । उपप्रधानमन्त्री एवं अर्थमन्त्री विष्णुप्रसाद पौडेलले आयोगले सबै पक्षसँग परामर्श र छलफल गरीनेपालको अर्थतन्त्रलाई परिवर्तित समय अनुसार गतिशिल बनाउँदै सही मार्गमा अघि बढाउन आवश्यक सुझावहरु दिने विश्वास व्यक्त गर्नुभयो । अर्थमन्त्रालयले तयार पारेको अर्थतन्त्र सुधारका विषयमा आयोग गठन गर्ने विषय पनि समावेश गरिएको थियो ।