नुवाकोट । विद्युतीय गाडीहरु भित्रिएसँगै नुवाकोट जिल्लामा चार्जिङ स्टेसनहरु धमाधम स्थापना हुन थालेका छन् । यसै क्रममा सोमबार थप एक चार्जिङ स्टेसन सञ्चालनमा आएको छ । विदुर ४ बट्टारमा सुर्यशक्ति ईभी चार्जिङ स्टेसन सोमबारबाट सञ्चालनमा आएको छ ।
नुवाकोट उद्योग वाणिज्य संघका अध्यक्ष राजेन्द्र श्रेष्ठले उद्घाटन गर्नुभएको चार्जिङ स्टेसन पहिलोपटक व्यक्तिगत लगानीमा निजि क्षेत्रबाट निर्माण गरिएको हो । बट्टारका व्यवसायी शैलेन्द्रकुमार श्रेष्ठले चार्जिङ स्टेसन निर्माण गरेका हुन् ।चार्जिङ स्टेसनको उद्घाटन गर्दै नुवाकोट उद्योग वाणिज्य संघका अध्यक्ष राजेन्द्र श्रेष्ठले जिल्लामा निजि क्षेत्रबाट चार्जिङ स्टेसन खुल्नु आफैमा सुखद रहेको बताए । उनले सरकारको नितिलाई व्यवसायीहरुले साथ दिँदै आएकोले सरोकारवाला निकायले निजि क्षेत्रलाई प्रोत्साहन गर्नुपर्ने बताए ।
यस्तै संचालक शैलेन्द्रकुमार श्रेष्ठले पैसाको लागि भन्दा पनि सबैलाई सुविधा दिने हेतुलेृ चार्जिङ स्टेसन निर्माण गरिएको बताए ।चार्जिङ स्टेसनमा विद्युतीय कार र विद्युतीय भ्यान दुबै चार्ज गर्न मिल्ने व्यवस्था मिलाइएको छ । यस्तै विदुरमा र थानसिड. लगायतका स्थानमा पनि चार्जिङ स्टेसन रहेका छन् ।
पछिल्लो समय नुवाकोट जिल्लामा इलेक्टिक ईभी गाडीहरु सञ्चालनमा रहेका छन् । नमस्ते पासाड.ल्हामु यातायात प्रा.लि र टिमुरे यातायात प्रा.लिले सार्वजनिक रुपमा ५० भन्दा बढि ईभी गाडी सञ्चालन गरिरहेका छन् ।
