विदुर . नेपाली कांग्रेसका सभापति शेरबहादुर देउवाले नेपाली कांग्रेस जिल्ला कार्यसमिति, नुवाकोटका पूर्व सभापति धुर्व अधिकारीलाई परेको मातृशोकप्रति दुःख व्यक्त गर्नुभएको छ ।
सभापति देउवाले स्वर्गीय अधिकारीप्रति भावपूर्ण श्रद्धाञ्जली अर्पण गर्दै आत्माको चिर शान्तिको कामना साथ शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गर्नु भएको छ ,पार्टी केन्द्रीय कार्यालयका मुख्यसचिव कृष्णप्रसाद पौडेलले जारी गर्नुभएको शोक वक्तव्यमा भनिभएको छ ।
वि.सं.१९९० भाद्र २५ गते जन्मनु भएकी स्व अधिकारीले नेपालको लोकतान्त्रिक आन्दोलनहरुमा सक्रिय भूमिका निर्वाह गर्नु भएको थियो । उहाँको निधनबाट नेपाली कांग्रेसले एक अग्रज व्यक्तित्वलाई गुमाएको छ । अधिकारीका ६ भाई छोराहरुमा अधिकारी विद्यार्थी कालदेखि नै नोलको प्रजातन्त्रका लागि कठिन संघर्षमा सहभागि हुनु भएको थियो ।
उहाँ हाल पनि कांग्रेसको राजनीतिकमा एक निष्ठा र इमान्दारिताका साथ सक्रिय हुनुहन्छ । यस्तै अधिकारीका अर्का छोरा सुरेन्द्रराज अधिकारी पनि कांग्रेस नुवाकोटको राजनीतिमा एक हस्ति मानिनुहुन्छ । उहाँ कांग्रेस नुवाकोटको पूव जिल्ला सचिव हुनुहुन्छ । यस्तै उहाँहरुका अन्य दाजुभाईहरु तथा दिदीबहिनी एवं बुहारी तथा नाती नातिनीहरु समेत कांग्रेसको राजनीतिक अभियानका सहभागि हुँदै आउनु भएको छ ।अधिकारी परिवारमा परेको शोकप्रति समवेदना प्रकट गर्न नुवाकोट मात्रै होइन कांग्रेसका धेरै नेता कार्यकर्ता अधिकारी निवास विदुर ८ नुवाकोट आइपुगेका छन् ।
