ककनी ,नुवाकोट । यहि मंसिर १६ गते नुवाकोट जिल्लाको ककनी गाउँपालिका वडा नं २ मा हुन लागेको वडाध्यक्ष पदको उपनिर्वाचनका लागि सत्तारुढ दल नेकपा एमालेको तर्फबाट यमबहादुर लामाले मनोनयन दर्ता गराएका छन् ।
आइतबार निर्वाचन कार्यालयमा पुगी एमालेको तर्फबाट लामाले उम्मेदवारी दर्ता गराएका हुन । नारा जुलुससहित एमालेका नेता कार्यकर्ताको उपस्थितिमा निर्वाचन कार्यालय पुगेर उनले आफ्नो उम्मेदवारी दर्ता गराएका थिए ।
एमाले केन्द्रीय सदस्य केशव पाण्डे,जिल्ला अध्यक्ष बद्री मैनाली, पार्टी नेता पुर्णमान श्रेष्ठ सहित नेता कार्यकर्ताहरुको उपस्थिति रहेको थियो । उम्मेदवारी दर्तासँगै एमालेले कोणसभा आयोजना गरेको थियो । कोणसभामा नेताहरुले एमालेको जित निश्चित भएको दावी गरेका थिए ।
गत २०७९ वैशाखमा सम्पन्न स्थानीय तह निर्वाचनमा निर्वाचित वडाअध्यक्षको निधन भएपछि ककनी २ मा वडा अध्यक्ष पद रिक्त भएको थियो। उक्त वडामा गत निर्वाचनमा कुल मतदाता ३२२४ रहेकोमा हाल त्यसमा ५ सय मतदाता थप भएको बताइएको छ ।
