काठमाडौँ — सेयर कारोबार मापक नेप्से परिसूचक ८.३० अंकले घटेको छ । शून्य दशमलव ३० प्रतिशतले घटेको नेप्से बिहीबार २७४८।०५ विन्दुमा बन्द भएको हो ।
कुल ४९ कम्पनीको सेयर मूल्य बढेको छ भने १९५ कम्पनीको मूल्य घटेको छ । आज ८३ हजार १२८ पटकको सेयर किनबेचबाट ८ अर्ब ५४ करोड ५५ लाख रूपैयाँ कारोबार भएको छ । कुल १ करोड ६६ लाख ६३ हजार ३५५ कित्ता सेयर किनबेच भए ।
आज १३ उपसमूहमध्ये ३ उपसमूह मात्रै बढ्यो भने बाँकी घट्यो ।बढ्ने उपसमूहमा व्यापार, जीवन बिमा र विकास बैंक रहे । घट्ने उपसमूहहरूमा निर्जीवन बिमा, उत्पादन तथा प्रशोधन, होटल तथा पर्यटन, फाइनान्स रहेका छन् ।
