काठमाडौँ, पुस ८ गते । आज नेपाली कांग्रेसका संस्थापक नेता कृष्णप्रसाद भट्टराईको १०१औँ जन्मजयन्ती हो । स्वर्गीय सन्त नेता भट्टराई स्मरणमा नेपाली कांग्रेस, यसका भ्रातृ एवं शुभेच्छुक संस्थाले विभिन्न कार्यक्रमका गर्ने तयारी गरेका छन् । नेपाली कांग्रेसका संस्थापक नेता भट्टराईको जन्म १९८० कम भएको थियो ।
विसं २०४७ मा अन्तरिम सरकारका प्रधानमन्त्री बन्नुभएका भट्टराई २०४८ मा प्रधानमन्त्री निवासबाट एउटा टयाङ्का, सुराही र छाता लिएर कुपण्डोल डेरामा फर्कनुभएको थियो । उहाँको त्यो त्यागलाई सिंगो देशले सँधै स्मरण गर्दै आएको छ ।
उहाँ नेपालको प्रजातान्त्रिक संसदको पहिलो सभामुख समेत हुनुभयो । राजनीतिमा सँधै इमान्दारिकाका कुरा गर्ने भट्टराई योग ध्यान समेत आफूलाई लगाउन सफल हुनुभयो । उहाँको नेतृत्वमा कांग्रेस रहेका बेला पार्टीका नेता कार्यकर्ताले अन्याया भएको महसुस भने अत्यन्त कममात्र गरेका थिए । उहाँ नेपाल पत्रकार महासंघको समेत संस्थापक अध्यक्ष हुनुहुन्थ्यो ।
कांग्रेसले पनि आज सन्त नेताको स्मरणमा गोष्टीको आयोजना गर्ने जनाएको छ । किसुनजीको जन्म शताब्दी वर्षका अवसरमा गतवर्ष ‘सन्तनेता कृष्णप्रसाद भट्टराई केन्द्र’ स्थापना गरेर त्यसका अध्यक्ष लोकेश ढकालले निष्ठाको राजनीति र देशको विकासमा उहाँले गर्नुभएको योगदानको विषयमा कार्यक्रमको आयोजना गर्ने जानकारी दिनुभएको छ ।
