काठमाडौं । नेकपा एमाले छाडेर नेकपा एकता राष्ट्रिय अभियानका स्थापना गरेका सो अभियानका संयोजक वामदेव गौतमले माधव नेपालले नेतृत्व गरेको एकीकृत समाजवादीसँग एकता गर्ने अन्तिम तयारी गर्नुभएको छ । गौतमले आज समाजवादीका अध्यक्ष माधव नेपालसँग निर्णायक छलफल समेत गर्नुभयो ।
आज भएको छलफलमा एकता गर्ने विषयमा सहमति भएको र त्यसलाई कसरी लैजाने र नेताहरुको जिम्मेवारी के के हुने भन्ने विषयमा भने टुंगोमा पुग्न नसकिएकाले अर्को पटक पुन ः छलफल गर्ने नेता गौतमले जानकारी दिनुभयो । नुवाकोट पुकारसँग संक्षिप्त टेलिफोन कुराकानीका क्रममा गौतले आफूले नेता नेपाललाई पार्टी एककिरणपछि गर्ने कामका विषयमा ५ बुँदे प्सताव राखेको पनि जानकारी दिनुभयो ।
नेता गौतमका अनुसार आफूलाई पार्टीमा वरिष्ठ नेतासहितको महत्वपुर्ण जिम्मेवारी दिनुपर्ने, सहित पूर्ण समानुपातिक निर्वाचन प्रणाली, प्रत्यक्ष कार्यकारी राष्ट्पतीय प्रणालीसम्ममा पार्टी जानुपर्ने प्रस्ताव गर्नुभएको छ । गौतमको उक्त प्स्तावप्रति नेपाल सकारात्मक रहेको र छिट्टै एकताका लागि अन्तिम वार्ता हुने नेपाल निकट स्रोतले जनाएको छ ।
गौतमले यसअघि एमालेका अध्यक्षसँग पनि निणृयक वार्ता गरेको भनिएपनि एमाले अध्यक्ष ओलीले सकारात्मक प्रतिक्रिया नदिएपछि गौतम नेकपा एकिकृत समाजवादीमा प्रवेश गर्ने तयारीमा लाग्नु भएको हो ।
यस्तै डा. भीम रावललाई पनि समाजवादीमा ल्याउने प्रयास भैरहेको बुझिएको छ । रावलले नि उक्त पार्टीमा निर्णयक तहको भूमिका माग्नु भएको र सो सर्त पूरा गर्न नेपाल तयार नभएकाले रावलको समाजवादी प्रवेशको यात्र ाभने रोकिएको बुझिएको छ । रावलले भने बुधबार पत्रकार सम्मेलनको तयारी गर्नुभएको बताइएको छ ।
