काठमाडौं । नेपाली कांग्रेस नुवाकोटका जिल्ला सदस्य एवं किवानिज नेपाल डिष्ट्रिक्ट (K69)का कोषाध्यक्ष राजनप्रसाद न्यौपानेले आफ्नो जन्मदिनका अवसरमा असाहय र अनाथ बालबालिकाहरूलाई दैनिक रुपमा पर्ने शैक्षिक सामाग्री र कपडा वितरण गरेका छन् ।
पुस २४ गते बुधबार आफ्नो जन्मदिनको अवसरमा न्यौपानेले तारकेश्वरस्थित वडा नं ८ मनमैजुमा रहेको नेपाल समाज सेवा संस्थामा रहेका २२ जना अनाथ र असाहय बाबालिकाहरूलाई न्यानो कपडा एवं दैनिक रूपमा आबश्यक पर्ने सामाग्रीहरु बितरण गरी गरेका हुन् ।
साथै सोही एक दिन संस्थामा रहेका बाबालिकाहरूलाई दिवा भोजन समेत गराएका थिए । । सामाजिक सेवामा समर्पित प्रतिष्ठित अन्तराष्ट्रिय संस्था किवानिज नेपालको कोषाध्यक्षको रूपमा कार्यरत न्यौपानेले विगतमा पनि यस्ता सामाजिक अभियान निरन्तरता दिँदै आएका छन् ।
‘Serving the Children of the World'” नारा अनुरूप धेरै ठाउँहरूमा बाबालिकाहरूको स्वास्थ्य, शिक्षा, नेतृत्व बिकाश, वातावरण र खेलकुदको क्षेत्रमा देशैभरी काम गर्दै आइरहेको छ । न्यौपानेले आफू उक्त संस्थामा आवद्ध भएसँगै गरिब, निमुखा, असाहय बाबालिकाहरू र सामुदायिक बिधालयमा अध्ययनरत बालबालिकाहरुलाई लक्षित गरी काम गर्दै आइँरहेको जानकारी गराए । न्यौपानेका अनुसार सो अवसरमा नेपाल मानव सेवा संस्थालाइ किवानिज क्लव अफले आर्थिक सहयोग समेत उपलब्ध गराएको थियो ।
कार्यक्रममा संस्थाका कोषाध्यक्ष न्यौपानेले जन्मदिनको अवसरमा संस्थाका रहेका बालबालिकालाइ थोरै भएपनि राहत होस् भनेर सहयोग उपलब्ध गराएको बताए।
