तारुका । नुवाकोट जिल्लाको तारकेश्वर गाउँपालिकास्थित वडा नं २ मा रहेको गणेशमानसिह स्मृति प्रावि विद्यालयमा अध्ययनरत १७ जना बिद्यार्थी लाई न्यानो कपडा वितरण गरिएको छ ।
तारकेश्वर गाउँपालिका वडा नं ४ का वडा सदस्य राम काजी थापाले आफूले कार्यापालिका बैठकबाट प्राप्त हुने भत्ताबाट विद्यार्थीहरुलाई न्यायो कपडा वितरण गर्नुभएको विद्यालयका शिक्षक राम बहादुर नेपालले जानकारी दिए । उक्त विद्यालयमा १७ जना विद्यार्थी अध्ययनरत रहेका छन् ।
कार्यक्रममा वडा सदस्य थापाले जाडो मौसममा बालबालिकाहरुलाई विद्यालय आउन सहज होस् भनेर आफूले सहयोग गरेको बताएका थिए । थापाले यसअघि पनि यस्ता किमिमका सहयोग गर्दै आएको शिक्षक नेपालले जानकारी दिए ।
शिक्षक नेपालले आफ्नो आग्रहमा विद्यार्थीलाई न्यायो कपडा वितरण गरेकोमा सदस्य थापालाई फेसबुक मार्फत धन्यवाद समेत दिएका छन् ।
