काठमाडौं । लायन्स इन्टरनेसनल डिष्ट्रिक्ट ३२५ जे नेपालको तेस्रो डिष्ट्रिक्ट कन्भेन्सन आगामी वैशाख ६ गते काठमाडौंको राष्ट्रिय सभागृहमा हुने भएको छ ।
काठमाडौंमा एक कार्यक्रमका बीच डिष्ट्रिक्ट गभर्नर लायन मिलन थापाले आगामी वैशाख ६ गतेका लागि अफिसियल रुपमा कन्भेन्सन गल गरेकी हुन् । लियोको डिष्ट्रिक्ट कन्भेन्सन पनि उक्त दिन नै हुनेछ । कार्यक्रममा बोल्दै डिष्ट्रिक्ट गभर्नर थापाले कन्भेन्सन सफल बनाउन सबैलाई सक्रिय भएर लाग्न अनुरोध गरिन् ।
कार्यक्रममा उपस्थित पिडिजी, फस्ट पर्सन तथा मल्टिपल कन्भेन्सन चियरपर्सन लायन डा. ध्रुब बहादुर थापा, पिडिजी लायन योगेन्द्र प्रधान, आईपिडिजी लायन हरिप्रसाद मरहट्टा लगायतले कन्भेन्सनको सफलताका लागि शुभकामना दिएका थिए ।
लायन्स र लियो डिष्ट्रिक्ट कन्भेन्सन व्यवस्थापनका डिष्ट्रिक्ट गभर्नरको प्रत्यक्ष निर्देशन र व्यवस्थापनमा परिचालित हुने गरी ३० वटा समिति बनाइएको छ । सबै समितिमा गरी २०७ भन्दा बढी लायन्स लिडरहरु कन्भेन्सन सफल बनाउन सक्रिय हुनेछन् । लायन्स क्लब अफ काठमाडौं बनस्थलीले होस्ट क्लब र पिआरओ चिफ लायन रामराजा थापाले मुख्य कन्भेनरको जिम्मेवारी प्राप्त गरेका छन् । तेस्रो कन्भेन्सनको चियरपर्सन लायन बसन्त कुमार गौतम छन् ।
कन्भेन्सनमा डिष्ट्रिक्ट ३२५ जे नेपालका लायन्स लिडर र सदस्य गरी करिब १ हजार ५ सय जनाको सहभागिता रहने अनुमान गरिएको छ । डिष्ट्रिक्ट ३२५ जे मा हाल १३० वटा क्लब र ३ हजार भन्दा बढी लायन्स सदस्यहरु छन् ।
कन्भेन्सन कल कार्यक्रममा हालसालै त्रिवि लायन्स रक्तसञ्चार तथा अनुसन्धान केन्द्रमा कोषाध्यक्ष निर्वाचित पिडिजी लायन ध्रुर्ब बहादुर थापा र सदस्यमा निर्वाचित लायन रामराजा थापालाई सम्मान गरिएको थियो । त्यस्तै अमेरिकामा हुने डिष्ट्रिक्ट गभर्नर प्रशिक्षण कार्यक्रममा सहभागी हुन जान लागेका फस्ट भाईस डिष्ट्रिक्ट गभर्नर लायन मिलन बाबु मल्ललाई विदाई गरिएको थियो ।
आगामी जुलाई १ बाट हालका फस्ट भाईस डिष्ट्रिक्ट गभर्नर लायन मिलन बाबु मल्ले गभर्नरको जिम्मेवारी सम्हाल्नेछन् । साथै कन्भेन्सनमा हालका सेकेन्ड भाईस डिष्ट्रिक्ट गभर्नर लायन प्रजापती बाँस्तोला फस्ट भाईस डिष्ट्रिक्ट गभर्नरमा र सेकेन्ड भाईस डिष्ट्रिक्ट गभर्नरमा नयाँ नेतृत्व चयन गरिनेछ ।
क्याबिनेट सेक्रेटरी लायन कृष्ण बहादुर अधिकारीले सञ्चालन गरेको कन्भेन्सन कल कार्यक्रममा फस्ट भाईस डिष्ट्रिक्ट गभर्नर लायन मिलन बाबु मल्ल, सेकेन्ड भाईस डिष्ट्रिक्ट गभर्नर लायन प्रजापती बाँस्तोला, क्याबिनेट ट्रेजरर लायन कल्पना थापा, चिफ एडभाईजर लायन कुशप्रसाद मल्ली लगायतका अन्य सिनियर लायन्स लिडरहरु र डिष्ट्रिक्टमा विभिन्न पदमा रहेका लिडरहरुको उपस्थिती रहेको डिष्ट्रिक्ट मिडिया चिफ लायन पुरुषोत्तम बस्नेतले जानकारी दिए ।
