रसुवा । जिल्ला प्रशासन कार्यालय रसुवाले गन्तव्य पेट्रोल पम्पलाई कारबाही गरेको छ । रसुवाको कालिका गाउँ पालिका वडा न.२ कालिकास्थान रहेको गन्तव्य पेट्रोल पम्पलाई २ लाख जरिवाना सहितको कारबाहीको तयारी गरिएको छ।
केही समय अगाडि सोही पम्प बाट डिजेल र पेट्रोल बाइकहरु मा हाल्दा कालो धुवा आउने, गुड्दा गुड्दै एक्कासी बन्द हुने , इन्जिनमा खराव देखिने लगायतका समस्या देखिएपछि उपभोक्ताहरुले जिल्ला प्रशासन कार्यालय र जिल्ला प्रहरी कार्यालय रसुवामा गुनासो गरेका थिए ।
सोही गुनासोको आधारमा पेट्रोल र डिजेल परिक्षण गर्दा गुणस्तरमा कमी पाइएपछि कारबाही गरिएको जिल्ला प्रशासन कार्यालय रसुवाका सहायक प्रमुख जिल्ला अधिकारी सररुवती अधिकारीले जानारी दिनुभयो । अधिकारीका अनुसार कैफियत भेटिएकाले कारबाही गर्ने निर्णयमा पुगिएको छ । अधिकारीले कति जरिवाना गराउने भन्ने विषयमा छलफल भैरहेको जानकारी दिनुभयो ।
