बेलकोटगढीको चिम्टेश्वरमा शिवमुर्ति स्थापनाका लागि जनप्रतिनिधिले एक महिनाको तलब सहयोग गर्ने

बेलकोटगढी । नुवाकोट जिल्लाको बेलकोटगढी नगरपालिकाको दोश्रो नगर सभा तथा पाचौंँ नगर अधिबेशन सम्पन्न भएको छ ।

हिउदे अधिवेशनका रुपमा लिईने नगरसभाले नगरपालिकाको प्रशिद्ध धार्मिक तथा ऐतिहासिकस्थल चिम्टेश्वरमा ५० फिटको अग्लो शिवको मुर्ति बनाउने उदेश्य साथ लगाउन लागेको सप्ताह ज्ञान महायज्ञका लागि नगरपालिकाको सम्पुर्ण जनप्रतिनिधिहरुको १ महिनाको तलव सेवा सुबिधा बराबरको रकम उपलब्ध गराउने निर्णय गरिएको उपमेयर शिवप्रसाद दाहालले जानकारी दिनुभयो । उक्त कार्यका लागि चिम्टेश्वर क्षेत्र विकास समितिले फागुन ७ गतेदेखि ११ गते सम्म सप्ताह ज्ञान महायज्ञको आयोजना गर्न लागेको अध्यक्ष रामचन्द्र तिमिल्सिनाले जानकारी दिनुभयो ।

यस्तै सभाले नगरपालिका अन्तर्गत चिम्टेश्वर क्षेत्रलाई धार्मिक तथा हाम्रो एतिहासिक महत्व को सम्पदा लाई संरक्षण गर्दै पर्यटकिय क्षेत्र को रुपमा अगाडि बढाउने निर्णय पनि गरेको छ । नगरसभाबाट अर्थवार्षिक समिक्षाकासाथ बाँकी योजान तथा कार्यक्रमहरुलाई दुर्तरुपमा अधि बढाउने निर्णय गरिएको छ । बेलकोटगढले आर्थिक वर्ष २०८१।०८२ का लागि शिक्षा,स्वास्थ्य, भौतिक पूर्वाधार लगायतका क्षेत्रका लागि बढि बजेट विनियोजन गरेको थियो ।

बजेटले सोचेजस्तो लक्ष्य पूरा गर्न नसकेको विषयमा पनि नगरसभामा छलफल भएको वडा अध्यक्षहरुले बताएका छन् । नगरपालिकाले पहिलो नगरसभामार्फत सूचना तथा सञ्चार क्षेत्रमा अनलाइन भुक्तानीको सूरुवात गर्ने, कृषि क्षेत्रमा हुने बाली विनासका लागि कृषि विमा गर्ने,स्थानीय उत्पादनहरु, गुन्द्रुक,अचार, मस्यौरा,जुस वाइन जस्ता घरेलु उत्पादनलाई ब्राण्डित गर्ने, बैदेशिक रोजगारीबाट फर्किएकाहरलाई स्वरोजगारमुलक तालिक दिने जस्ता महत्वकाँक्षी कार्यक्रमको घोषणा गरेपनि ति प्रभावकारी रुपमा अघि बढ्न सकेका छैनन् ।

पछिल्लो समय नगरपालिकाका जनप्रतिनिधिहरुको क्रियाकलापप्रति पनि असन्तुष्टिका स्वरहरु बाहिरिन थालेका छन् । यस विषयमा भने नगरसभाले गम्भीर रुपमा लिँदै आफ्ना कारकारबाहीलाई थप प्रभावकारी बनाउने निर्णय समेत गरेको बताइएको छ ।