काठमाडौं–अघिल्ला ६ कारोबार दिन लगातार घटेको सेयर बजार सोमबार बढेको छ।
बजारको परिसूचक नेप्से अघिल्लो दिनको तुलनामा आज ३०.५२ अंक (१.१६ प्रतिशत) बढेको हो। सो वृद्धिपछि नेप्से २६४५ अंकमा कायम भएको छ।
कारोबार सुरु हुँदा केही गिरावट देखिएको बजार ११ : १९ मा २५९३ अंकसम्म झरेको थियो। त्यसपछि बजारले समातेको बढ्दो गति अन्तिमसम्म कायमै रह्यो।
चैत ३ यता कारोबार भएका ६ दिन बजार लगातार घटेको थियो। फागुन १९ गतेबाट ओरालोमा देखिएको बजार २८ गते एक दिन बढेको थियो।
बजारको परिसूचक बढ्दा पनि कारोबार रकम घटेको छ। अघिल्लो दिन ६ अर्ब ३२ करोडको कारोबार भएकोमा आज ४ अर्ब ४८ करोडको करोडको भयो। २१० कम्पनीको मूल्य बढ्दा ३३ को घट्यो।
