काठमाडौं । निर्वाचन आयोगबाट स्वीकृत मतदाता नामावली अद्यावधिक कार्यविधि, २०८१ बमोजिम मतदाता नामावली अद्यावधिक कार्यक्रम सञ्चालन हुन लागेको भन्दै अध्यावधिकलाई आग्रह गरेको छ ।
उक्त कार्यक्रम बमोजिम२०८१ चैत मसान्तसम्ममा १८ वर्ष उमेर पूरा भएका नागरिकको विवरणलाई वि.सं. २०८२ वैशाख १ गतेबाट अद्यावधिकको प्रक्रिया प्रारम्भ भैसकेको छ। कार्यक्रम बमोजिम मतदाताहरूको प्रारम्भिक नामावली आयोगको वेवसाइट www.election.gov.np मा प्रकाशन भएको जनाएको छ। उक्त नामावलीवाट अद्यावधिक कार्य सम्पन्न भएपछि २०८२ वैशाख मसान्तमा अन्तिम मतदाता नामावली प्रकाशन हुनेछ, आयोजले आज जरी गरेको विज्ञप्तिमा भनिएको छ,
मतदाता नामावली अद्यावधिक गर्ने प्रयोजनको लागि प्रकाशित प्रारम्भिक नामावलीमा त्रुटि भएको भए सच्याउन, कुनै व्यक्तिको विरोधमा उजुरी दिनु पर्ने भए उजुरी दिन, कुनै मतदाताको एक भन्दा बढी स्थानमा नाम समावेश भएमा एक स्थानमा मात्र नाम कायम राख्न तथा मृत्यु भएका एवम् नागरिकता त्याग गरेका मतदाताको नाम मतदाता नामावलीबाट हटाउन वि.सं. २०८२ वैशाख ७ गतेदेखि १४ गतेसम्म सम्बन्धित निर्वाचन कार्यालय वा अनलाइनमार्फत् निवेदन दिन सकिने व्यवस्था मिलाइएको छ।
मतदाता नामावली अद्यावधिक कार्यक्रम संलग्न छ। अद्यावधिक कार्यक्रम बमोजिम अनलाइन मार्फत निवेदन पेश गर्न वा सम्बन्धित निर्वाचन कार्यालयमा सम्पर्क गर्नु हुन अनुरोध गरेको छ । साथै आयोगले उपरोक्त अनुसारको कार्यक्रमलाई सफल बनाउन सम्पूर्ण सरोकारवाला एवम् मतदाताहरूमा अनुरोध गरेको छ ।
साथै यस अवधिमा पनि नयाँ नाम दर्ता तथा अद्यावधिक कार्य निरन्तर भइरहने व्यहोरा समेत सम्बन्धित सरोकारवालाहरूका लागि जानकारी गराइन्छ,आयोगले विज्ञप्तिमा भनेको छ ।
