विदुर । नेपाली विद्यालय कर्मचारी परिषद्ले आफ्नो पेशाको ग्यारेन्टी, लतवमान कायम लगायतका सेवा सुविधाको विषयमा सरकारले बजेट वक्तव्य मार्फत सम्बोधन नगरेको विद्यालय बन्दको आह्रवानमा सघाउने प्रधानाध्यापकहरुलाई तादी गाउँपालिकाले स्पष्टिकरण सोधेको छ ।
परिषद्ले गरेको निर्णयलाई नुवाकोट जिल्लामा कार्यरत शिक्षकहरुसँग आवद्ध घटकहरुका अध्यक्षहरुले विज्ञप्ति जारी गर्दै विद्यालय बन्दलाई समर्थन र सहयोगको घोषणा गरेका थिए । सो अनुसार जिल्लाका सामुदायिक विद्यालय बन्द भएपछि तादी गाउँपालिकाका प्रधानाध्यापकहरुलाई स्पष्टिकरण सोधिएको छ ।
गाउँपालिका अध्यक्ष सन्तमान तामाड.ले हस्ताक्षर गर्नुभएको स्पष्टिकरण पत्रमा स्थानीय सरकारको स्वीकृत विना विद्यालय बन्द रहेको भन्दै के कति कारणले विद्यालय बन्द गरिएको हो चित्त बुझ्दो जवाफसहित दुई दिन भित्र अनिवार्य रुपमा गाउँपालिकामा स्पष्टिकरण पेश गर्न भनिएको छ ।
नेपाल शिक्षक संघका अध्यक्ष द्धारिका पाण्डे,नेपाल राष्ट्यि शिक्षक संगठन नुवाकोटका अध्यक्ष कृष्णप्रसाद उप्रेती,एकिकृत अखिल नेपाल शिक्षक संगठन नुवाकोटका अध्यक्ष बिनोद लामा , प्रगशित शिक्षक संगठनका नुवाकोट जिल्ला अध्यक्ष रामकृष्ण श्रेष्ठ र नेपाल विद्यालय कर्मचारी परिषद्का अध्यक्ष झंकनाथ सडौला(रामहरि)ले एक विज्ञप्ति जारी गरि परिषद्को आन्दोलनप्रति ऐक्यवद्धता जनाउँदै विद्यालय बन्दको आह्रवान गरेका थिए । संघ संगठनहरुको आह्रवान अनुसार जिल्लाका सबै सामुदायिक विद्यालय बन्द भएका थिए। विद्यालय बन्दप्रति अभिभावकले भने गुनासो गरेका छन् ।
तर संघ संगठनका अध्यक्षहरुले जारी गर्नुभएको विज्ञप्तिमा परिषद्ले गत भदौ १ गतेदेखि विद्यालय बन्द गरेको स्मरण गराउँदै नेपाल सरकारको आग्रहपछि नेपाल शिक्षक महासंघको सहयोगमा परिषद्ले गरेको विद्यालय बन्दका कार्यक्रम स्थगित गरि वार्ता मार्फत शिक्षा मन्त्रालय कर्मचारीको माग सम्बोधन गर्न सहमत भई अर्थ मन्त्रालय पठाइएकोमा सघीय र प्रदेश संसदको निर्वाचनपछि सरकारसंगको वार्ताबाट समेत आगामी आर्थिक वर्ष २०८०,०८१ को बजेटमा कर्मचारीका मागहरु समावेश गर्ने कुरा सम्माननीय राष्ट्पतिले पेश गर्नुभएको निती तथा कार्यक्रममा समेत समावेश भएको तर जेठ १५ गतेको बजेटमा समावेश नगरिएको भन्दै सरकारको कार्यप्रति भत्र्सना समेत गरिएको छ ।
साथै विज्ञप्ति मार्फत जिल्लाका शिक्षक संघ संगठन र पशोगत घटहरुको विद्यालय कर्मचारीको जायज मागका विषयमा दवाव दिन आज एक दिन विद्यालय बन्दलाई सहयोग गर्न आह्रवान गरिएको छ । परिषद्ले यसअघि आफ्ना माहगरु सम्बोधन गराउनका लागि जेठ २१ गतेदेखि २६ गतेसम्म शिक्षा विकास तथा समन्वय इकाईमा धर्ना दिइएको थियो ।
