मन्त्रिपरिषद्ले गर्यो यस्तो निर्णय,सुन तस्करी प्रकरणमा बनेन उच्चस्तरीय समिति

काठमाडौँ । सञ्चार तथा सूचना प्रविधि मन्त्री रेखा शर्माले सुन तस्करी प्रकरणमा उच्चस्तरीय छानविन समितिको आवश्यकता नभएको बताउनु भएको छ । मन्त्रालयमा आज आयोजित साउन १६ गते बसेको मन्त्री परिषद्का निर्णय सार्वजनिकीकरण कार्यक्रममा मन्त्री शर्माले यस्तो बताउनु भएको हो । उहाले सरकारका पछिल्ला कदमले जनतामा उत्साह बढेको र सरकारसँग जनता जोडिने वातावरण बनेको उल्लेख गर्नुभयो ।

अवैध सुन प्रकरणका सन्दर्भमा सञ्चारकर्मीको जिज्ञासालाई सम्बोधन गर्दै मन्त्री शर्माले राजश्व अनुसन्धान विभागले त्यसको सत्यतथ्य छानबिन गरिरहेको भन्दै तत्काल छुट्टै छानबिन समिति बनाउँदा अनुसन्धान प्रभावित हुने भएकाले छानबिन समितिको आवश्यकता नपर्ने उल्ल्ेख गर्नुभयो । मन्त्री शर्माले संसद् सुचारु गर्ने विषयमा छलफल भइरहेको र दलहरुबीच चाँडै सहमति जुट्ने विश्वास व्यक्त गर्नुभयो ।

साउन १६ गते बसेको मन्त्रिपरिषद् बैठकको निर्णय सार्वजनिक गर्नुहुँदै मन्त्री शर्माले दोस्रो खाद्य तथा पोषण सुधार कार्यक्रमका लागि विश्व बैङ्कबाट प्राप्त हुने २ अर्ब ६२ करोड बराबरको अनुदान सहायता सम्बन्धी दस्ताबेज र strengthening public financial management and devolved service delivery कार्यक्रमका लागि एसियाली विकास बैङ्कबाट प्राप्त हुने १३ अर्ब १३ करोड बराबरको सहुलियतपूर्ण सहायता दिने विषयलाई अन्तिमरुप दिन अर्थमन्त्रालयका सहसचिवको संयोजकत्वमा वार्ता टोली गठन गर्ने निर्णय गरेको बताउनुभयो ।

बैठकले संघीय शिक्षा विधेयकलाई संसदमा लैजान स्वीकृति दिने निर्णय गर्नुका साथै विज्ञापन नियमन गर्ने नियमावली २०८० संशोधन स्वीकृत गर्ने निर्णय गरेको छ । यस्तै बैठकले सार्वजनिक संस्थान सुधार समितिको समयावधि दुई महिना थप्ने, जलवायु परिवर्तन न्यूनीकरण तथा अनुकूलन राष्ट्रिय कार्यान्वयन योजना स्वीकृत गर्ने र मन्त्रिपरिषद्, विधेयक समितिबाट पेश भएको श्रम पहिलो संशोधन नियमावली , २०८० स्वीकृत गर्ने निर्णय गरेको छ ।

यस्तै बैठकले लखनदेही नदी बेसिनका जलदारहरूको पुनरुत्थान र जीविकोपार्जनमा सुधार परियोजनाका लागि विश्व वातावरण सुविधा न्भ्ँ बाट प्राप्त हुने २० करोड २२ लाख रुपैयाँ सहायता स्वीकार गर्ने निर्णय गरेको छ ।

यस्तै बैठकले चिकित्सा शिक्षा आयोगको नियुक्तिका लागि नाम सिफारिस गर्न सिफारिस समिति गठन गर्ने र उक्त प्रयोजनका लागि सदस्य पदमा नोपली सेना स्वास्थ्य विज्ञान संस्थानका प्राध्यापक डाक्टर लोचना श्रेष्ठलाई तोक्ने , राष्ट्रिय बीउ विजन समितिको सदस्यमा उद्यमीहरू अग्निप्रसाद अर्याल, शारदा निरौला र कृषकहरू रामजी प्रसाद सापकोटा र प्रेमा कुमारी अधिकारीलाई नियुक्त गर्ने निर्णय गरेको पनि प्रवक्ता शर्माले जानकारी दिनुभयो ।