नुवाकोट पुकार
काठमाडौं । नेपाली कांग्रेसका सांसद अर्जुननरसिंह केसीले मुठभेडको अवस्थामा देश नजाओस् भन्नेमा सचेत हुन आग्रह गरेका छन् । बिहीबार प्रतिनिधिसभामा नीति तथा कार्यक्रममाथिको छलफलमा उनले विद्यार्थी संगठन खारेजी र ट्रेड युुनियनमा डोजर चलाइएको जस्तो भन्दै टिप्पणी गरे ।
उनले संसदीय पद्धतिमा ध्यान पुर्याउन आग्रह गरे । “बेलायतमा संसद्ले पार्टी जन्मायो । नेपालमा पार्टीले संसद् जन्मायो । यो मौलिकतालाई हेर्नुपर्यो,” उनले भने ।
उनले अहिले राष्ट्रिय स्वतन्त्र पार्टी (रास्वपा)ले पाएको मत स्थायी नभएको दाबी गरे । “यो जनअभिमत भने स्थायी होइन । तपाईंहरूले प्राप्त गरेको ४८ प्रतिशत हो । ५२ प्रतिशत अहिले पनि बाहिर छ,” उनले भने ।
देश मुठभेडमा नजाओस् भन्नेमा सचेत गराए । संसद्मा प्रधानमन्त्रीले संसदीय मान्यतालाई तोडेकोमा आपत्ति जनाए । “…नयाँ निरंकुशता जन्म हुन्छ । त्यतातिर देश जान लागेको हो कि । संसद्मा जसरी प्रधानमन्त्रीले उपेक्षा गर्दै हुनुहुन्छ,” केसी भन्छन्, “परम्परा तोड्दै हुनुहुन्छ । त्यतातिर जान लागेको हो कि भनि चिन्तित छु ।”
०४७ सालपछिका नीति तथा कार्यक्रममा प्रधानमन्त्री उपस्थित नभएको सुनाइदिन चेतावनी दिए ।
तपाईको प्रतिक्रिया दिनुहोस्