नुवाकोट पुकार
काठमाडौं । पछिल्लो समय आत्मदाहको प्रयास गर्ने घटनाक्रम तिब्र रुपमा विकास हुँदै जाने थालेको छ । तीन जनाको आत्मदाहका कारण मृत्यु भैसकेको अवस्था फेरि रौतहटमा पेट्रोल छर्केर एक पुरूषले आत्मदाहको प्रयास गरेका छन्।
गरूडा नगरपालिका ९ गमरिया टोलका २८ वर्षीय गौतमकुमार सहनीले गए राति १ बजेतिर आत्मदाहको प्रयास गरेको जिल्ला प्रहरी कार्यालय रौतहटका एसपी सीताराम रिजालले जानकारी दिए।
उनकाअनुसार सहनीले पेट्रोल छर्केर शरीरमा आगो लगाएका थिए।
यसबारे खबर पाएपछि प्रहरीको टोली खटिएको थियो। उनलाई उपचारका लागि अस्पतालमा लगिएको थियो। त्यहाँबाट थप उपचारका लागि काठमाडौंस्थित कीर्तिपुर बर्न अस्पतालमा ल्याइएको छ।
एसपी रिजालका अनुसार उनको शरीरमा ३१।५ प्रतिशत जलन भएको छ। उनी डिप्रेशनमा रहेको र मापसे सेवन अत्यधिक गर्ने गरेको परिवारले प्रहरीलाई जानकारी दिएका छन्। यसअघि पछिल्लो समय तीन जनाले आत्मदाह गरिसकेका छन्।
मुगुका गणेश नेपाली, काठमाडौंका आश्विन राउत र सर्लाहीका विवेक मण्डलको आत्मदाह पछि मृत्यु भएको थियो।
तपाईको प्रतिक्रिया दिनुहोस्