काठमाडौँ । आर्थिक वर्षको हिसाब किताब हिलानको आज अन्तिम दिन रहेको छ । सरकारले आज असार २४ गते मध्यरातदेखि सबै सरकारी खाता एक हप्ताका लागि बन्द गर्दैछ । खाता बन्द हुने भएसँगै अधिकांश सरकारी कार्यालयको लेखा शाखा भुक्तनीमा व्यस्त रहेका छन् ।
आर्थिक कार्यविधि तथा वित्तीय उत्तरदायित्व नियमावली, २०७७ को नियम ३० को व्यवस्थाअनुसार महालेखा नियन्त्रक कार्याल यमलेनिका, प्रदेश लेखा नियन्त्रक कार्यालय प्रलेनिका र सबै जिल्लाका कोष तथा लेखा नियन्त्रक कार्यालय कोलेनिकाले सञ्चालन गर्ने खाता बन्द हुनेछन् ।
मलेनिकाका प्रवक्ता ओमप्रसाद रिजालले दिनुभएको जानकारी अनुसार “ आज सोमबार रातिदेखि स्थानीय सञ्चित कोष व्यवस्थापन प्रणाली ,सूत्र,, एकल खाता कोष प्रणाली ,टीएसए, र कम्प्युटरकृत सरकारी लेखा प्रणाली ,सिगास, एक हप्ताका लागि बन्द हुनेछन्”, “कानुनमै उल्लेख भएको विषय भएकाले मलेनिकाले यसवर्ष प्रलेनिका र कोलेनिकालाई खाता बन्द गर्न परिपत्र गरेको छैन । तर भोलि रातीदेखि बजेट भुक्तानी हुँदैन ।” सङ्घ, प्रदेश तथा स्थानीय तहको बजेट भुक्तानी निकासाका लागि प्रयोग हुँदै आएका सबै खाता एक हप्ताका लागि बन्द भएकाले भोलि सम्ममा चालु आर्थिक वर्ष २०८०र८१ को बजेट भुक्तानी दायित्व फरफारक गरिसक्नुपर्ने पनि उहाँले बताउनुभयो ।
आर्थिक कार्यविधि तथा वित्तीय उत्तरदायित्व नियमावलीको नियम ३० मा आर्थिक वर्ष समाप्त हुन एक साताअघि भुक्तानी निकासा बन्द गर्नुपर्ने व्यवस्था छ । विनियोजन ऐनले ‘फ्रिज’ नहुने भनी तोकेको शीर्षकको बाहेक अन्य रकम भुक्तानी गर्न पाइँदैन । यद्यपि, अत्यावश्यक प्रयोजनमा भएको खर्चका लागि भने मलेनिकाको सहमतिमा भुक्तानी गर्न सकिने व्यवस्था नियमावलीमा छ
