काठमाडौँ । नेपाली कांग्रेसले पार्टीको १५ औं महाधिवेशन आउन डेड वर्ष बाँकी रहँदा क्रियाशील सदस्य वितरणलाई तिब्रता दिएको छ । कांग्रेसको विधानमा महाधिवेशन भएको वर्ष क्रियाशील सदस्यता वितरण नगरिने व्यवस्था छ ।
अरु वर्ष भने नियमित रुपमा क्रियाशील सदस्यता वितरण गरिने व्यवस्थाअनुसार नै काम हुनुपर्नेमा समितिले जोड दिएको छ । तर महाधिवेशन नजिकिएपछि मात्रै सदस्यता वितरणमा तातेको देखिन्छ । कांग्रेसले क्रियाशील सदस्य सबै जिल्लामा पठाईसकेको जनाउँदै वितरण प्रक्रियालाई अघि बढाउन जिल्ला सभापतिहरुलाई निर्देशन दिएको छ ।
कांग्रेस क्रियाशील सदस्यता व्यवस्थापन समितिका संयोजक एवं पार्टी महामन्त्री गगनकुमार थापाको संयोजकत्वमा बिहीबारको बैठकले क्रियाशील सदस्य वितरण गर्न निर्देशन दिँदै सदस्यता वितरण नरोक्न पनि भनेको छ । बैठकले पार्टीको कुन–कुन तहमा सदस्यता रोकिएको छ भन्ने विषयमा अर्को बैठकमा छलफल गर्ने निर्णय गर्दै ।
जिल्ला सभापतिले क्रियाशील सदस्यता फारम रोकेको भेटिए केन्द्रीय समितिले हस्तक्षेप गरेरअघि बढ्ने निर्णय गरेको समितिका सदस्य प्रकाश रसाईलीले नुवाकोट पुकारलाई जानकारी दिनुभयो ।समितिको अर्को बैठक यही पुस १८ गते बस्ने जनाइएको छ ।
कांग्रेसको १५ औं महाधिवेशन आगामी २०८३ सालभित्र भैसक्नुपर्ने व्यवस्था रहेको छ । कांग्रेसले १५ लाख भन्दा बढि क्रियाशिल बनाउने योजना अघि सारेको छ । हाल कांग्रेसमा ८ लाख क्रियाशिल सदस्य रहेका छन् । गत वर्षको महाधिवेशन लक्षित गरेर ५० कायम सदस्यमा ५० प्रतिशत थप गर्ने निर्णय गरेको थियो । यस वर्ष पनि सदस्यता वितरणमा सिमा कायम नरी फारम पठाइएको कांग्रेस केन्द्रीय कार्यालले जनाएको छ ।
यसैबीच नेपाली कांग्रेस नुवाकोटले भने सबै वडामा क्रियाशिल सदस्यहरुको नविकरण तथा नयाँ वितरणका लागि फारम पुर्याई सकेका छ । कांग्रेसका दुवै क्षेत्रीय समितिले केन्द्रीय प्रतिनिधि किरण पौडेलको प्रमुख उपस्थितिमा क्रियाशिल सदस्य वडा वडामा पठाएको सभापति रमेश महतले जानकारी दिनुभयो ।
