काठमाडौँ । प्रमुख सत्तारुढदल नेकपा एमालेले निष्कासनमा परेका नेता भीम रावलले अध्यक्ष केपी शर्मा ओलीलाई लगाएका आरोपको खण्डन गर्न आवश्यक नभएको बताएको छ ।
पार्टी सचिवालय बिहीबारको बैठकमा रावलले लगाएका आरोप २०७७ मा तत्कालीन नेकपा अध्यक्ष पुष्पकमल दाहालले ओलीमाथि लगाएको ‘कपीपेस्ट’ भएको निष्कर्ष निकाल्दै त्यसको खण्डनको कुनै आवश्यकता नभएको जनाएको छ ।
‘हामीमाथि लगाएका गालीगलौज चर्चा गर्नुपर्ने विषय ठानेनौं । यो उहाँ ,रावल, बाट अपेक्षित थियो । गालीले देश बन्ने होइन,’ उपमहासचिव प्रदीप ज्ञवालीले भने, ‘हाम्रो गालीगलौजमा प्रतिस्पर्धा छैन । नौलो कुरा छैनन् । ती एक किसिमले२०७७ कात्तिकमा प्रचण्डले पेस गरेको कपीपेस्ट नै हो । छलफल गर्नुपर्ने विषय ठानेनौ ।’पार्टी हितविपरीत गतिविधि गरेको आरोपमा एमालेबाट निष्कासित पूर्वउपाध्यक्ष रावलले बुधबार आयोजित पत्रकार सम्मेलनमा अध्यक्ष ओलीलाई ‘स्वेच्छाचारी, निरंकुश र तानाशाही’ निर्णय गरेको भन्दै ७४ प्रश्न गरेका थिए ।
२०६८ मंसिरमा भएको दसौं महाधिवेशनमा ओलीविरुद्ध अध्यक्षमा प्रतिस्पर्धा गरेकै कारण आफूमाथि निषेधको नीति लिएको आरोपसमेत उनले लगाएका छन् ।एमालेले गत कात्तिक ४ मा आफूलाई स्पष्टीकरण सोध्नुको औचित्य नभएकाले आफूले जवाफ नदिएको र आफूमाथि कारबाही गर्नुको वैधानिक आधार नभएको उनको भनाइ छ ।
एमालेका पूर्व उपाध्यक्ष समेत रहेका रावललाई पार्टीले संगठित सदस्यबाट समेत हटाएपछि उसले बुधबार राजधानी ापत्रकार सम्मेलन गर्दै एमाले अध्यक्ष केपी शमाृ ओलीमाथि ३४ आरोप लगाएका थिए । रावलले लगाएका आरोप माओवादी केन्द्रका अध्यक्ष पुष्पकमल दाहालले गराउँदै आएका जसतै भएको एमालेको ठहर रहेको छ ।
