व्यवसायी दिपक कुमार मलहोत्ताद्धारा बरामद सुनमा आफ्नो संम्लग्नता नभएको स्पस्टोक्ति

काठमाडौ । व्यवसायी दिपक कुमार मलहोत्ताले त्रिभुवन विमानस्थलको गेट बाहिर समातिएको सुनमा आफ्नो संलग्नता भएको भनि नयाँ पत्रिका दैनिकमा आएको समाचारप्रति आफ्नो गम्भीर आपत्ति भएको बताएका छन् । आज राजधानीमा पत्रकार सम्मेलन गर्दै व्यवसायी मलहत्ताले असार ४ गते आज नयाँ पत्रिका दैनिकमा भन्सार जाँचपास भएर ट्याक्सीबाट बरामद भएको सुन सम्बन्धि समाचारमा आफ्नो तस्बिर सहित संलग्ना भएको भन्ने समाचारका विषयमा आफूले पत्रकार सम्मेलन आयोजना गरेको जानकारी दिएका छन् ।

उनले पत्रकार सम्मेलनमा समाचारका आएका विषयहरु सत्य नभएको, भ्रामक र कपोल्कल्पि भएको बताएका छन् । उनले आफू र आफ्नो परिवारका सदस्यहरुको व्यवसायिक कारोबारहरु नेपालको कानुन बमोजिम स्थापना भएका निकाय मार्फत हुने गरेको पनि प्रष्ट पारेका छन् । पत्रकार सम्मेलनमा मलहोत्ताले जारी गरेको लिखित व्यक्तव्यमा आफूले गरेका सबै कारोबार संगठित संस्था मार्फत हुने भएकाले प्रचलित कानुन बमोजिम व्यवसायको कर विवरण र वार्षिक आय विवरण मार्फत सम्वद्ध सरकारी संस्थामा पेश भई जानकारी हुने गरेको पनि उल्लेख गरेका छन् ।

उनले नयाँ पत्रिकामा भनेजस्तो आफू सम्बन्ध संस्थाका कर्मचारी तथा आफ्नो परिवार वा निकाय कसैको उक्त घटनामा संलग्नता नभएको दोहोर्याएका छन् । उनले पत्रिकामा नाम उल्लेख भएका व्यक्तिहरुसँग आफ्नो कारोबार त परको कुरा चीनजान समेत नभएको उल्लेख गरेका छन् । उनले समाचार बनाउँदा आफूलाई जानकारी नदिएको र सम्पर्क नभएको कुरा उल्लेख गरिएकोमा त्यो सरासर झुट भएको दावी गरेका छन् ।

उनले जारी गरेको विज्ञप्तिमा भनिएको छ, हरेक व्यक्तिले आफ्नो जीवनभरको परिश्रम गरेर प्रतिष्ठा निर्माण गरेको हुन्छ ,आफूले लामो समयदेखि कानुन सम्वत व्यापार व्यवसाय गरी आफ्नो निष्ठापूर्ण पहिचान बनाएको छु, आफूसँग एक पटक पनि नबुझी समचारपत्रमा उल्लेख गरिएको गैरु कानुनी क्रियाकलापमा मेरो तस्बिर समेत राखेर मलाई अनर्गल आरोप लगाउने कामले मेरो स्वाभिमान र अन्तस्करणमा गम्भीर चोट पुर्याउने र मर्माहत गराउने काम गरेको छ ।

उनले आफूमाथि लगाइएको झुटो आरोप खण्डन प्रकाशन गर्नका लागि आग्रह गर्दै उहाले सम्बन्धित समााचार संस्थाले माफि नमागेको खण्डमा कानुनी उपचारमा जाने चेतावनी समेत दिएका छन् । नयाँ पत्रिका दैनिकले त्रिभुवन विमानस्थल बाहिर बरामद गरिएको झण्डै एक सय किलो सुन तस्करीमा व्यवसायी मलहोत्ताको संलग्नता भएको भन्दै आज समाचार प्रकाशित गरेको थियो । त्यस लगतै उनले पत्रकार सम्मेलन गरेर त्यसको खण्डन गरेका हुन ।