नुवाकोट पुकार
२०८३ जेष्ठ १९, मंगलवार १७:४२
काठमाडौ । लिखतसम्बन्धी कसुर (किर्ते) तथा झुट्टा विवरण दिई नागरिकता लिएको आरोपमा पक्राउ परेका वीरगञ्ज महानगरपालिकाका मेयर राजेशमान सिंह अदालतले तोकेको धरौटी रकम बुझाएपछि रिहा भएका छन् ।
जिल्ला अदालत पर्साले आज सिंहसँग लिखत किर्ते मुद्दामा ४ लाख रुपैयाँ र झुट्टा विवरण दिई नागरिकता लिएको मुद्दामा १५ हजार रुपैयाँ गरी कुल ४ लाख १५ हजार रुपैयाँ धरौटी माग गरेको थियो ।
उनीमाथि नक्कली कागजातका आधारमा अर्काकी छोरीलाई आफ्नै छोरी देखाई नागरिकता तथा अन्य सरकारी कागजात बनाउन सहयोग गरेको आरोप छ ।
सो मुद्दा अदालतमा विचाराधीन रहेको छ भने सिंह अब तारेखमा रही मुद्दाको सामना गर्नेछन् ।
तपाईको प्रतिक्रिया दिनुहोस्