नेपालीहरुको महत्वपूर्ण चाडहरु नजिकिएसँगै शहर बजारमा चहल पहल सुरु भएको छ । देश विदेशमा रहेकाहरु पनि दशैंका लागि आफ्नो जन्मथलो जाने तयारीमा रहेका छन् । गाउँघरमा रहेकाहरु पनि दशैंका लागि किनमेलको चटारोमा रहेको देखिन्छ ।
हरेक घर परिवारले दशैंका लागि नयाँ लुगा किन्नेदेखि खशीबोका, अन्य मिठा मिठा परिकारका लागि खाद्यान्य खरिद गर्ने गर्दछ, जसले बजारलाई समेत चलायमान बनाउने गरेको छ । व्यापारीहरु पनि दशैंको आशमा व्यापार गर्ने भनेर कुरेर बसिरहेको अवस्था छ । अधिकांश व्यापारीहरुले दशैंको व्यापारले झण्डै ६ महिना धान्नुपर्ने अवस्था छ ।
विगत पछिल्लो वर्षहरुमा देशको आर्थिक अवस्था कमजोर बनिरहेको छ । व्यापार व्यवसायले भनेजस्तो नाफा कमाउन सकिरहेको छैन । सर्वसाधारणलाई आफ्नो भान्सा चलाउनका लागि खर्च जोहो गर्न नै सकस भैरहेको अवस्था छ । सरकारको खर्च विकासमा भन्दा साधारण खर्चमा नै सिमित हुदै गैरहेको छ । वार्षिक बजेटको झण्डै ८० प्रतिशत त साधारण खर्चमा नै सकिने तथ्याड्.कहहरु सार्वजनिक हुँदै आएका छन् । हामी केवल रेमिट्यान्सको भरमा देशको अर्थतन्त्रलाई अगाडि बढाईरेहा छौं ।
यि तमाम समस्याकाबीच पनि नेपालीहरुले आफ्नो संस्कृति र परम्परालाई भने हाँसी हाँसी स्वागत गर्ने गरेका छन् । वर्षभरिमा केही जोहो गरेर भनेपनि दशैं तिहार,छट जस्ता पर्वहरुलाई शुखी र उमंगको पर्वको रुपमा मनाउने गरेका छन् यसले यस्ता पर्वहरुले एक आपसमा मेलमिलाको भावना समेत कायम गर्दै आएको छ । जसले हाम्रो परम्परालाई थप उज्यालो बनाउँदै आएको छ । यस्ता राष्ट्यि पर्वहरुलाई सहज बनाउने काम सरकारको पनि हो ।
सरकारले त्यति सहजताका लागि शुथप मूल्यका पसल सञ्चालन गरिसकेको छ भने बजार अनुगमन गरेर सर्वसाधारणलाई सहज रुपमा दशैंका लागि किनमेल गर्ने वातावरणको सिर्जना गर्ने जनाएको छ । सरकारले खाद्यवस्तुको गुणस्तरलाई नियमन गर्ने जिम्मेवारीमा भएका विभिन्न निकायहरूले केन्द्रीय अनुगमन समिति बनाएर र बेग्लाबेग्लै अनुगमन गर्ने जनाएको छ ।
मुख्य त चाडबाडमा खानयोग्य वस्तुको जाँच, तौल र मूल्यदेखि लिएर कालोबजारी गर्ने गरी कृत्रिम संकट सिर्जना गर्ने अवस्थाको अनुगमन गर्नुपर्दछ र गरिन्छ पनि । तर यस्ता अनुगमन र तयारी हरेक वर्ष खर्मकाण्डी मात्रै हुने गरेका छन् । बजारमा वर्षभरि नबिकेका म्यान नाघेका खाद्य बस्तु बिक्री गर्ने, सामानको अभाव देखाएर महंगोमा बिक्री गर्ने गरिएका छन् ।
तर अनुगमन नाम मात्रको हुने हुँदा उपभोक्ता ठगिएको गुनासो बारम्बार आउने गरेको छ । यसर्थ यस पटक सरकारको ध्यान छिटो भन्दा छिटो यतातर्फ पनि पुग्नु पर्दछ । हरेक स्थानमा स्थानीय तहसँग समन्वय गरेर बजार अनुगमन तथा सहज आपूर्तिको व्यवस्था गर्नुपर्दछ तब मात्रै सर्वसाधारले राहत महसुस गर्नेछन् । यसतर्फ सिंगो तीनै तहका सरकारको ध्यान पुगोस् ।
